ميراث الوعد الفصل الخامس

خلصت كلامها حسيت بهبدة حصلت في الباب بتاع الشقة هبدة عاملة زي تفريغة هوا 
بعدها بدأت كهربة الشقه ترعش 
حاولت أثبت قلبي وأقول ان دا ياما حصل وياما الكهربا رعشت عندنا 
بس وسط رعشة النور حسيت ان في حاجه بتتحرك من عند الباب حاجه أقل من خيال كامل او خيال بيظهر ويختفي في ومضات 
بس كان خيال ضخم مش باين من ملامحه غير قرنين كبار 
بعدها رعشة النور بدأت تزيد بقت زي لحظة نور بتتكرر كل كام ثانية ظلام 
شيلت رؤى وانا قلبي هيقف من الخۏف وجسمي كله بيترعش ووقتها حسيت ان حرارة الأوضة رفعت كإني قاعدة قدام فرن حطب ناره مصهرجة 
فضل الخيال يقرب من الباب ببطء 
لغاية ما بقا بينه وبين الباب خطوتين 
فوقتها صړخت 
صړخت بعلو صوتي 
فلقيت فجأة النور ثبت 
وظهر عند باب الأوضة سيد جوزي 
أول ما ظهر كدة فجأة صړخت تاني 
ماكنتش مصدقه انه هو 
انا كنت شايفه خيال بقرنين هو اللي بيقرب 
جا يقرب بسرعة علينا فصړخت تاني ومديت ايدي كإني بحوشه عننا 
لكن لقيته زق ايدي ومسكني من اكتافي وهزني وهو بيقول 
_اله مالك يا سلوى عليكي عفريت ولا ايه انتي كمان 
_سيبت رؤى تنزل تقف ع الأرض ومسكته من وشه كإني بتأكد انه حقيقي 
بعدها اترميت في حضنه وانا ببكي وبقوله 
انت دخلت أمتى الكهربا كانت بترعش وكنت شايفه خيال بيقرب من ناحية باب الشقة 
_الكهربا ولا رعشت ولا كان في خيالات انا دخلت من باب الشقة ع الأوضة هنا عدل لقيتك مڤزوعة ومرعوشة ...
قعدني على طرف السرير وقعد جنبي وقال 
_مالك يا أم رؤى ايه اللي جرالك بقالك فترة بتشوفي تهيؤات ليه
بدأت تنزل دموعي ورديت 
كله بسبب الست الشؤم دي كله منها وانا المرة دي عرفت حقيقتها 
_ست مين
فتنة وبنتها سهير دول عالم سحارين أم عن أم عن أم 
حسيت وقتها ان عينيه بتزوغ كإن بؤبؤ عينه بيثبت ومابيتحركش كمان بطل يرمش وبقا باصص قدامه زي ما يكون صنم بس انا فضلت أحكي حكايتي وانا حاسه انه فعلا مش سامع لغاية ما خلصت كلامي فلقيته بيقول...
_يتبع