روايه حصري

كده يا كده فين الوسط في الموضوع حاسبي نفسك بس بلطف كوني واعية لأخطائك بس متدمركيش أقولك فكرة أحلى
قول يا فنان.
_سجلي فيديو لنفسك.
تنحتلها واستغربت..
_أه والله زى ما بقولك كده سجلي فيديو لنفسك إنتي ليه عاوزة تبطلي الحاجةالوحشة دي حتى لو كان ذنب مش عارفة تبطليه قولي كل أسبابك بحيث قبل ما تيجي تقعي في الغلطة تجيبيه وتسمعيه يكون راجع ليكي يفكرك في الوقت اللي نفسك بتضعف فيه سجلي لنفسك إنتي ليه بدأتي في طريق تطوير الذات علشان في الوقت اللي تتقفلي فيه من الحياة وتحسي إن اليأس هيتملك منك يكون راجع ليكي يفوقك ويقومك من جديد.

فكرة والله رغم إن عارفة إن أنا لما بكون عاوزة أعمل حاجة بمشي زى الجاموسة مفيش حاجة بتوقفني.
_أنا أول مرة أشوف حد متصالح مع نفسه كده.
ربنا يهديني وأعقل شوية كان نفسي أبقى عاقلة والله بس أعمل إيه نصيبي أتولد مخي لاسع وطاير.
مشيت وأنا كالعادة مقررة أجرب هو ورانا غيره لو مقبضتش بالدولار بعد التعب والمرمطة اللي بتعبهم في التجربة دول أنا ممكن يحصلي حاجة.
_إيه يارورو هتيجي معايا الكافية النهاردة
فكرت شوية الصراحة السؤال ده دايما كانت إجابته طبعا هاجي بس المرة دي حسيت إن محتاجة أفكر شوية هو أنا فعلا فاضية ده الوقت اللي المفروض كنت ناوية أخلص فيه حاجات ورايا بس إزاى هقدر أقولها لأ هتكسف إزاى هقولها لأ هتزعل ويمكن تدايق ويبعدوا عني وأبقى وحيدة!
طب أعمل إيه!!
وقتها مفيش حاجة جت في بالي غير فيديو كريم إسماعيل عن إتعلم تقول لأ قررت أقول لأ لأول مرة في حياتي أنا محتاجة أخلص اللي ورايا أكتر ما محتاجة أخرج الخروج مهم بس مقابل ده هتزنق وهتحط في زون الزنقة وهي أولويات مرة أختار الخروجة لما يكون عندي مساحة ل ده ومرة أختار أخلص اللي ورايا.
بس مكنتش قادرة أقولها دايركت برضه!
معلش يا رحمة أنا كان نفسي أكون معاكم بس مش هقدر يومي مقفول تتعوض مرة تانية إن شاء الله.
_إيه ياستي جو سيدة الأعمال ده!
تجاهلت تريقتها أدركت إن اللي ميعرفش يقول لأ مش هيقدر ينجح مدام قررت أمشي في طريق النجاح يبقى لازم أكون متأكدة إن طريقي هيكون مليان عقبات كتير ولو عاوزة أوصله لازم أتخطاها وأجمد قلبي شوية.
_أسفه عالتدخل بس باين عليكي سرحانة خالص النهاردة.
إيه ده هو باين عليا أوي كده!
_أيوة مش حاساكي بنفس باور التمرين بتاعت كل مرة.
أهو الزمن.
_زمن إيييه إنتي محسساني إن واحدة عندها مية سنة بتتكلم.
العضمة كبرت خلاص.
_أنا الزمن هدني ولا حد بيودني.
أحلى حاجة في مجتمع البنات إننا برغم إن ممكن منكونش عارفين بعض بس عادي نهزر سوا ممكن نحكي حكايات كتيرة ونساعد بعض وأصلا ملناش علاقة ببعض.
على فكرة حاسة فينا من التفاهه ومحتاجين نتعرف على بعض.
_ده كده كده إنتي من النهاردة صاحبتي في التمرين خلاص.
بما إننا بقينا صحاب خلاص قليلي بقى جاية موف أون ولا فورمة!
_الصراحة لا ده ولا ده.
ألاه! هو فيه تالت!
_جاية تطوير ذات.
أهو تطوير الذات ده اللي بيخلينا نعمل حاجات غريبة.
_بس إن جيتي للحق هو صعب أوي.
هو صعب بس لو عزمتي النية هتلاقيه أحسن خطوة إنتي عملتيها في حياتك.
_إنتي جربتيه
أنا بقالي سنة كاملة فيه.
_واااو بجد!
أيوة ومستعدة أساعدك في أى حاجة محتاجاها وأشجعك كمان.
_ياريت والله كنت محتاجة حد يعمل ده معايا من زمان بس مش لاقية كل اللي حواليا مش مقتنعين معايا الكوتش بتاعتي بس برضه وجود أصحاب من سني نشجع بعض نبعت إنجازاتنا لبعض غير كوتش فهماني
أيوة فاهماكي طب يستي إحنا تقريبا نفس السن ممكن نشارك بعض.
قعدت تحكيلي عن حاجات كتير وقررت أتعلم منها أوقات يرسلنا الله بعضنا لبعض رحمات وحسيتها جت في وقتها المناسب..
_إحنا تقريبا عرفنا كل حاجة عن بعض إلاا إسم بعض.
أنا رهف.
_وأنا نور.
خدنا أرقام بعض وبدأنا نحكي يوم ورا التاني كل واحد بيشارك إنجازاته كل يوم ويوريها للتاني إتشاركنا البودكاست والكتب والهوايات والقرارات أوقات فرقت معايا عن الكوتش جامد حد من سننا بيشاركنا يوميا بتبقى مختلفة عن مجرد حد بيوجهنا بدأ مخي يكبر شوية ب شوية بدأت سندس تشجعني أنزل الرسومات اللي كنت برسمها وواحدة واحدة بدأت تعجب ناس