خرافة الليل

ردوا عليهم بالموافقة وهز الصادق جاهة كبيرة وخطب زهرة وعمل عرس كبير !!! وبعد العرس قعدت زهرة ولللاها في عشية يهدروا !!! قالتلها اللاها قوليلي يازهرة انتي زينك الله يبارك ماريتش كيفه !!! وفي عيلتكم ما شفتش شكون كيفك !! لشكون جاية هكا !!! عندكم حد اخر في العيلة زينه كيفك!!! قالتلها يا اللاي زمان ديمة ننشد في روحي علاش انا في العيلة كلها هكا شبابة علاش جيت الوحيدة فيهم لكن اهو توا وانا في هالدار الكبيرة اللي مليانة خيرات وعيلة طورها مش من طورنا عرفت الجواب !!! قالتلها اللاها وشنية هو الجواب !!! قالتلها لو ماكنتش زينة راني مش قاعدة قدامك توا !!! وماكانش صار اللي صار و ماكنتيش ارضيتي بيا !! لكن ربي حط فيا الزين اللي انتي تحبيه حكمته سبحانه باش الناس تتخلط وتتوازن وتحس ببعضها وتروف على بعضها !!! قالتلها اللاها الله احد عليك حتى فكرك مليان زين مش كان وجهك !!! قالتلها يا للاي الايام طويلة بينا وان شاءالله ماتشوفي الا اللي يرضيك وكيف ما انتي تحبي !!! و عاشوا عيشة ود ورحمة كانت فيهم زهرة في طوع اللاها ورضات اللاها بيها وحبتها محبة الأم لبنتها !!!!