خرافة الليل

باش نعطيها هدية !! وقفت ام زهرة وهيا امطرمة شفايفها مش حابة !!! ونادات على زهرة !!! اللي طلعت من البيت وعينها عالمرا المتلحفة!!! لدرجة انسات ان عتبة الدار عالية شوية عثرت جات طايحة !!! قالوا كلللهم بسم الله عليها !!! وجوها يجروا حتى من ام الصادق اللي طاح منها غطاء ملحفتها كي شافت زين زهرة !!! قعدوها على كرسي وامها اتقولها ربي يهديك يا بنيتي ديمة انقولك كي تتخطي العتبة شوفي لوطا وسمي بسم الله ... قالتلها وحدة من الخديمات سامحيني كله مني !!! انا والله حبيت نعطيك محرمتي تطرزيلي عليها !!! قالتلها زهرة هاتيها يا خالتي تو نطرزهالك وبعد يومين تلقيها حاضرة!!! مدتلها المحرمة وهيا اتقولها بسم الله عليك بنتي ربي يحفظك !!! طلعوا وركبوا الكروسة وهما ايشوفوا لللاتهم اللي كنت مبهورة بزين زهرة !!! قالولها ها ياللا اش رايك فيها !!! ماحبتش اترد عليهم حتى بكلمة !!! وفي الليل نادت على الصادق قالتله انت انشدت على عيلة لبنية !!! بوها وخواتها !!! قالها شنوة يام شفتيهاااا !!! قالتله ايه شفتها !!! قالها واش رايك فيها !!! قالتله والله ياوليدي زينها ماريته قبل !!! خسارتها .. ياريتها من عيلة متسمية !!! قالها يام الناس كي بعضها راهو !!! والباهي في المتسمي وغير المتسمي !!! وبعدين يام هيا غير توصل علميها وخليها كي ما انتي تحبي!!! ها شنوة قلتي يام !!!
ام الصادق عجبتها زهرة وقريب طارت على زينها لكن ياريتها جات من نفس مستواهم!! تسكت تسكت وتقول زينها ماصارش ياريتها جات من طورنا !!! باهي تو اش باش نعمل واش نقول!! واش نرقع !!! باهي توا هما ناس على قدهم يفهموا في الاصول !!! يفهموا في الذهب والحرير يعرفوا قدر كل حاجة امقومة !!! لين داخت وهيا اتخمم !!! قعدت بين نارين !!! من جيهة زين زهرة اللي ماصارش ومن جيهة انهم ناس عاديين !!! تحبها وماتحبهاش !!! من غدوة نادات على الخديمات وقالتلهم امشوا اخطبوا زهرة للصادق وتو انقولكم اش اتقولوا !!! قالولها وهما مستغربات !!! كيفاش يا للاتنا !! مش الاصول انتي تمشي تخطبيها !!! قالتلهم كي نمشي كي ما نمشيش باش يفرحوا ويوافقوا وانا والله ماعيني في المشي ليهم كملوا انتم معاهم وكي توصلني بنتهم اهنا انا نتكفل بيها ونعلمها !!! امشوا هاكا الخديمات وطول الطريق يخممو!!! كيفاش باش يتكلموا واش يقولوا وهما يعرفوا انو ام زهرة وجداها ناس اصول !!! دخلو وحدة ادز في الاخرى وابدوا ايلكلكوا في الكلام !!! وقالوا اش عندهم وهما متحشمات !!! قالتلهم جداها انتم ما عليكم املام !!! اللوم كله على للاتكم صاحبة العرف والاصول !!! امشوا قولولها الخطبة في عيلتنا مش هكا!!!احنا الخطبة عندنا ليها اصول وعندنا رجال ايجوهم رجال!!! وماعندناش بنات للخطبة الا بالاصول !!! طلعوا هاكالخديمات حاشمين وغضبانين من للاتهم !!! وحدة روحت طول للدار والثانية امشات للصادق في الحانوت واحكاتله اللي صار !! قام واقف وقال الله يهديك يام !!! دخلت الخديمة وحكات لللاتها اش قالت جدة زهرة !!! سكتت وفي خاطرها قالت الله يبعد الشيطان !!! شوية وجاها الصادق وهو متغشش مللي صار !!! قاللها خير يام علاش هالعملة مع الناس !!! انا نعرفك صاحبة اصل و واجب وعمرك قبل ما تكبرتي عالناس !!! خير يام مش تحدثنا وقلنا الناس ما يعليها الا عرفها واصولها مش مكانتها وفلوسها !!! قعدت امه ساكتة !!! ومتحشمة ومش عارفة اش اتقول !!! قالها الصادق انا باش نمشي نخطب البنية ونهز معايا جاهة ماهزهاحد قبل !!! قالتله امه لا انا غلطت ولازم انصلح غلطتي وبعدين هز انت جاهتك !!! من غدوة دقت الخديمة على دار زهرة وقالتلهم اليوم العشية تجيكم للاتنا تخطب !!! قالولها مرحبتين بيها تتفضل !!! وفي العشيةامشات ام الصادق ومعاها نساء من العيلة مزينات و حريرهم لابسات !!! استقبلتهم ام زهرة وجداها احسن استقبال !! وتقدموا وتكلموا مع بعضهم حسب الاصول وكان جواب ام زهرة وجداها جواب اصول ومعروف !!! وبعدها بأسبوع كي ماطلبت ام زهرة