حبيبي جوزني عمه

حاجة ياحماتي
عديلة 
والله ياسعد اني مش عارفه اجول ايه وعايزة اعرف امك ليه بتعمل في مرتك أكده مش ذنبها ياسعد انها خلفت لك البنات وبعدين مالهم البنات
سعد 
والله ياحماتي اني بحب بناتى دول كد الدنيا دول أغلى حاجة ليا في الدنيا هي بس امي اللي عجلها صغير أكده وبتبص لعادات وتجاليد فاتت من زمان
ازهار 
ااه واحنا مالنا بجا بزمان يا سعد ماهو كل وجت وله ادان ولعلمك بجا اني مش راجعة وياك غير لما ابوي يرجع من الغيط وهو اللي يجولي اروح وياك ولا لاه
سعد 
ابااي عليكي يا ازهار وانتي تدخلي عم مندور ليه بيناتنا وبعدين اني جيت لحد عنديكي اهه وعايز اخدك انتي والبنات ونرجع على بيتنا

أزهار 
لاه يا سعد اني مش راجعة وياك لما ابوي يرجع هو ياجي معايا عشان يتكلم مع الست امك دي ويشوف تصريفة وياها عشان هي فاكرة اني مليش اهل
سعد 
لا يا ازهار انتي في دي غلطانة دي امي بتحبك جوي وهي اللي جالت لي اني اجي اخدك
ازهار 
ااه جول انك سمعت كلامها وجيت اهنه لما هي جالت لك تاجي
عديلة 
خلاص يا ازهار جوزك جه لحد عنديكي اهه عايز ايه تاني يابتي وابوكي لو كان موجود كان جال لك ترجعي مع جوزك يلا يابتي الله يهديكي
سامي 
ارجعي مع جوزك يا ازهار ولو عايزاني اني اجي وياكي بدل ابوكي اني باجي
سعد 
وتاجي ليه ياسامي ولا عمي ياجي اني جيت عشان ارجعها للبيت وخلاص ولو حبيت تاجي انت ولا عمي في اي وجت الدار داركم ومفتوحة ليكم في اي وجت
زينب 
خلاص يا ازهار روحي انتي ويا جوزك واني رايحة اودي الوكل لأبوي في الغيط وهاجول له ان سعد جه واخدك وياه على الدار
ازهار 
طيب وامك ياسعد لو جابلتني وحش هرجع على بيت ابوي تاني ماشي ياسعد اني بجول لك اهه
سعد 
اعملي اللي انتي عايزاه يامرتي ياغالية يام البنات هو اني ليا غيرك
ومشيت ازهار مع جوزها وزينب قالت لأمها 
واني باخد الوكل وبروح لأبوي الغيط ياما عشان يلحج ياكله لجمه
سامي 
طيب ماتخليكي انتي يا زينب واني بودي الوكل لأبوي
زينب ردت بسرعه وقالت له 
لا لا ياسامي اني اللي بروح بالوكل لأبوي
عديلة 
وااه وانتي ليه مصممه أكده انك تروحي لابوكي
زينب بارتباك 
عشان عشان ااا ااه عشان سامي وراه مذاكرة روح روح انت كملت مذاكرتك ومالكش صالح بالوكل يلا
وخرجت زينب وهي رايحة لابوها بالأكل ماشية تكلم نفسها وقالت 
اني اصلا بودي الوكل لأبوي حجة عشان اشوف بدر ااه ياجلبي هتفضل تحب بدر أكده من غير ماتبوح باللي جواك اني مش عارفه اخرتها ايه وياك ياجلبي
ووصلت عند ابوها وبدر كان بيلف بحصانة وزينب قالت لابوها 
مساء الخير يابوي اني جيب لك الوكل اهه مش عايز مني حاجة تانية
مندور 
لاه يا زينب يابتي كتر خيرك والله يازينب انتي بتصعبي على لما بتاجي في الشمش دي بالوكل كل يوم
زينب 
ولا يهمك يابوي اومال يعني لو اني ماجتش ليك بالوكل انت بجي هتعمل ايه وهتاكل ايه لازم جيب لك الوكل عشان ترم عضمك
مندور 
ربنا مايحرمني منيكي يازينب
زينب 
ولا يحرمني منيك يابوي الا بالحج يابوي سعد جه واخد ازهار ورجعوا على دارها
مندور 
وااه ورجعت وياه علطول أكده
زينب 
والله ماكانت راضية ترجع وياه غير في وجودك لكن اني وامي وسامي اخوي فضلنا نقنعو فيها انها ترجع وياه مسكينة يابوي كانت جاعده طول الوجت حزينة عشان بناتها كمان
مندور 
ربنا يصلح حالها يابتي يارب
سالم 
وااه انتي اهنه يازينب كيفك يابتي وكيف أحوالك
زينب 
اني بخير ياعم سالم ربنا يخليك والله لازم تجعد تاكل لجمة ويا ابوي ديه الوكل عملاه بيدي
سالم 
ربنا يحفظك يازينب يابتي اني سبجتة من شوي
مندور 
لا ياريس سالم لازم تاكل وياي لجمة مش ست البنات جالت لك تاكل يبجا متكسفهاش عااد ياراجل تعالي مد يدك تعالي
وعدي بدر بحصانة وقال لهم سلام عليكم يارجاله بجولك ياسالم 
سالم وقف وقال 
اؤمرني يا بدر بيه
بدر 
لما الرجاله تخلص الغدا بتاعها تروح الناحيه الشرجية الأرض هناك عايزة تتروي بالمية عشان جبل الليل مايليل يكونو خلصو
سالم 
امر جنابك يابدر بيه والله اتفضل ويانا
بدر 
لاه شكرا الف هنا يارجاله
قال كلامه ومشي بحصانة وكل ده وزينب عنيها عليه وبص له وهو ولا شايفها قدامه حتى
ومندور خلص اكل وقال لها 
يلا يازينب روحي على الدار 
زينب سرحانة وحصل....
حبيبي جوزني عمه وبعدها