حبيبي جوزني عمه
وبيزعق وبيقول
اني مليش صالح بالكلام ديه ياحافظ انت اللي مسؤل جدامي عن بيع البضاعه كلاتها واياك تاجي تجول ان الناس رجعت البضاعه انت عارف انها بضاعه بملايين
حافظ
ياعيسي بيه مفيش حاجة هترجع بس الناس عايزاك تتهاود في السعر شوي اصلهم مش عارفين يكملو المبلغ اللي حضرتك جولت عليه
عيشي
حافظ
عارف يابيه بس
عيسى
مفيش بس انت تنفذ اللي بجول لك عليه واللي عايز يشتري بالمبلغ اللي اني طلبته يشتري واللي مش عايز يبجا بالسلامة واوعاك تاجي تترجاني
امرك ياعيسي بيه
ونزل من فوق بدر ابن اخو عيسى وهو اللي مربيه ودراعه اليمين وقال له
في ايه ياكابير مالك أكده عمال تزعج على الصبح مين اللي عصبك أكده
عيسى
الناس اللي عايزين البضاعه جال ايه عايزين يرجعو في السعر عشان كاتير عليهم ومش عارفين يكملو بجيت الفلوس
بدر
خلاص يبجا مايشتروش البضاعه دي ولما يبجا معاهم الفلوس كاملة يبجو ياجو ويشيلو
صوح أكده وهو ديه اللي اني جولت عليه لما نشوف بجا هما هيعملو ايه اسمع يابدر اني عايز تتصل بالناس بتوع لبنان عشان لو بتوع مصر رجعو في كلامهم نبعت للتانين دول ياجو يستلمو
بدر
امرك ياكابير بس نصبر شوي عليها ومنستعجلش واصل
عيسى
عندك حج جولي صحيح عملت لي ايه في الموضوع اللي جولت لك عليه
بدر
موضوع ايه ديه
عيسى
بدر
اطمن ياعمي اني بشوف لك والله مش ساكت واصل انت بس حط في بطنك بطيخة صيفي يلا بالاذن اني بجا عشان اروح اشقر على الرجاله اللي شغاله في الأرض
ماشي ياولدي روح انت ربنا يوفجك يابدر
ومشي بدر وعيسى قاعد لوحده وقال
والله ياعيسي لو بجيت اب انت تبجا الدنيا ضحكت ليك اني نفسي اكون اب جوي
وفي الأرض الرجاله كانت بتشتغل ومعاهم مندور والغفير قاله
هم شوية يامندور انت مبجتش فيك صحة ولا ايه ياراجل مالك أكده
مندور
مفيش ياريس سالم اني بشتغل بكل جوتي اهه اعمل ايه تاني بس
بس اصلك انت كنت عفى عن أكده اني حاسس انك اليوم في حاجة مضيجاك
مندور
والله ياريس ياسالم شوية مشاكل أكده في الدار وربنا يحلها من عنده دعواتك انت بس
سالم
ان شاء الله كله بيتحل ياراجل انت بس ارمي حمولك علي الله وهو بيحلها من عنديه
مندور
يارب ياريس سالم خليني اكمل شغلي اني
وفضل مندور يشتغل في الأرض وفي البيت عند زينب امها قالت لها
خلصتي الوكل يازينب ولا لسه يابتي معاد الغدا جرب ولازم تروحي لابوكي بالغدا يابتي
زينب
خلاص اهو ياما اني جربت اخلص اهه هي فين ازهار روحي شوفيها في الاوضة لتكون جاعده تبكي ولا حاجة
ودخلت عديله عند ازهار ولقيتها سرحانة قالت لها
وبعدهالك يابتي انتي علطول هتفضلي جاعده حزينة وسرحانة أكده ماتفكي بجا أكده
ازهار
افك كيف بس ياما انتي شايفه حالي جاعده ڠضبانة في بيت ابوي وامي وجوزي مش عايز يعبرني اعمل ايه بجا
عديلة
معلش يابتي كل شيء بيتحل ان شاء الله انتي بس فكي وبلاش الحزن ديه واصل
وبعدها الباب خبط وكان سعد جوز ازهار وفتحت له زينب وقال لها
سلام عليكم كيفك يازينب
زينب
مرحب ياسعد توك ما افتكرت ان مرتك عندينا
سعد
معلش اصلي كنت مشغوله هبابه هي فينها ازهار وعم مندور مش اهنه
زينب
لا ابوي في الغيط وامي وازهار جوه اني لحظة هدخل انادي عليهم وبرجع وندهت على اخوها سامي عشان يقعد مع سعد وقاله
كيفك ياسامي عامل ايه في الدراسة
سامي
اهو الحمد لله ياسعد الدراسة ماشية تانية ثانوي صعبه برضك واديني بعافر اهه
سعد
ربنا يوفجك ياسامي وتحجج اللي بتتمناه
وخرجت ازهار وامها من جوه وازهار قالت له
توك ما افتكرت ان ليك زوجة وبنات ياسعد بجا أكده تسيبني جاعده في بيت ابوي وكل ديه بسبب امك وكلامها
سعد
وااه في ايه يا ازهار اني جاي عشان أطيب بخاطرك تجومي تطلعي فيا بالشكل ديه ليه يابت الناس ماتجولي لها
