حبيبي جوزني عمه
انت في الصفحة 1 من 9 صفحات
حبيبي جوزني عمه وبعدها عمل فيا
جريت على اوضتة وقالت له
انت جايب ابوي وامي يشتغلو عنديك في السرايا طيب ليه أكده هما ذنبهم ايه اني اللي هربت منيك واني اللي رجعت يبجا تعاقبني اني ياعيسي بلاش امي وابوي
مسكها من شعرها وقال لها
ابوكي وامك هيشتغلو خدامين عندي وانتي كمان خدامة اهنه انتي سامع ولا لاه
وقبل مانبدا حكايتنا اعرفكم على بطلتنا اسمها زينب عندها 25 سنة صعيدية من محافظة سوهاج وعايشة مع امها وابوها وليها اخ صغير واخت متجوزه
وفي يوم صحيو على صوت خبط على باب البيت وكانت اختها ازهار وابوها قال لها
ازهار ايه يابتي اللي جابك في وجت متأخر زي ديه ايه اللي حصل
ازهار
الام
استغفر الله العظيم هي المره دي عايزة منيكي ايه بس اني مش عارفه هي ليه حطاكي في دماغها أكده
ازهار
عشان خلفة البنات ياما كل ديه جال ايه عشان اني مش بخلف غير بنات منها لله مش عارفه اني دي حاجة بتاعت ربنا
ايوه والله فعلا منها لله صوح ومالها خلفة البنات بس مش عارفه
الاب
خلاص ياعديلة مش وجته الكلام دي واصل ادخلي يا ازهار جوه ارتاحي انتي والبنات والصباح رباح واني ليا كلام تاني مع جوزك خوديها يازينب يابتي
زينب
حاضر يابوي تعالي يا ازهار ندخل الاوضة جوه
بسمه بنت ازهار
اني جعانة ياخالتي عايزة اكل
ازهار
اكتمي يابه ايه جعانة دي ومين اللي هيعمل لك وكل دلوك تعالي نامي والصبح تاكلي
واه جرا ايه يا ازهار دي عيله صغيرة ملهاش ذنب بلاش تعامليها أكده تعالي يابسمه ياحبيبتي واني بجيب لك احلى وكل سيبك من امك دي
وبعدها بيوم عديلة قالت اجوزها مندور
هنعمل ايه يامندور هنسيب البت ڠضبانة عندينا أكده ماتروح تتكلم مع جوزها ولا هو ماصدج انها سابت له الدار ولا ايه
مندور
والله ياعديله اني ماعارف اجول ايه بس المره امه دي هي اللي معصياه على مرته وبناتة اني مش عارف ايه ديه ده حتى لحد دلوك مرنش على عشان يسال عنيهم
منها لله امه دي طول عمرها وليه شرانية ومحدش في البلد عيحبها بسبب تصرفاتها الطين دي
مندور
ايوه والله اني مش عارف عجلي كان فين لما وافجت اجوز ولدها لبتي كان لازم اعرف انه اللي في طبع مايغيروش
عديلة
ايوه الله يامندور عشان أكده بدعي ربنا ان يكون حظ زينب اختها احسن من حظها
وخرجت زينب من اوضتها وقالت لهم
صباح الخير ياما انتي وابوي هو سعد جوز ازهار متصلش عليك يابوي عشان ياجي ياخدها
لاه يابتي متصلش ولا اعرف عنيه حاجة
عديله
اتصل انت بيه واديه كلمتين في جنابة على عمايله هو وامه في بتنا خليه يعرف انه ليه اهل ولا عشان ماحنا غلابه يعمل فيها أكده
زينب
بس انتو مش غلابه ياما انتو ناس ولاد أصول ومتعرفوش تعملو مشاكل مع حد واصل وهي الدنيا اللي فيها ناس كاتير من عينة حمات ازهار دي
عديلة
عندك حج يازينب ربنا يهدي الحال يابتي هو احنا عايزين ايه غير اننا نشوفها سعيده في بيت جوزها
وصحيت ازهار وقالت بحزن
صباح الخير عليكم
زينب
وااه ياساتر على سحنتك على الصبح هههه في ايه يا ازهار ماتفكي أكده
ازهار
افك كيف بس يا زينب واني جوزي راميني في بيت اهلي ولا عبرني لحد دلوك وكله بسبب امه العجربة دي
عديلة
وااه ايه راميكي دي يابتي بس انتي جاعده في بيت ابوكي معززة مكرمة انتي وبناتك واوعاكي اسمعك تجولي انك اهنه مرمية لاه يابتي
ازهار
ياما اني انكم غلابه ومش حملي اني وعيالي هو اني يعني مش حاسة ولا شايفه
مندور
وااه ايه اللي عتجوليه ديه يا ازهار يابتي هو احنا يعني مش هنقدر على واكلك انتي وعيالك ولا ايه لاه ملكيش حج تجولي
ازهار
يابوي اني مجصدش حاجة اني بس صعبان عليه انه يسمع كلام امه في كل حاجة ويسبني اجي في انصاص الليالي عشان خاطر هي اتبلت عليا وجالت له اني رديت عليها الكلمة بعشرة وديه محصلش مني
مندور
خلاص يابتي اني بكلمة بعد مارجع من الغيط وبشوف صرفه وياه
وفي مكان تاني في سرايا كبيرة كان قاعد عيسى كبير البلد
