مراوغة (عشق كامله جميع الاجزاء) بقلم ملك ابراهيم

زواجه وطلب من مندوب السفارة ان يكون هو الشاهد الثاني بعد عماد زوج عزة شقيقة فرح.
بعد دقائق قليلة انتهى الشيخ فرحات من عقد القران بالكامل بارك للعريس ارتفعت اصوات الزغاريد.
نظر اليهم صابر برقوقه پغضب اندفع الى خارج الشقة وخلفه الصبي بتاعه بدأ رجال المنطقة يباركون للعريس ويذهبون واحد تلو الاخر.
وقف احد رجال المنطقة يصلح باب الشقة بعد تكسيره كي يستطيعون اغلاق الباب عليهم بأمان.
بعد انتهائه من تصليح الباب ذهب هو الاخر تبقى الشيخ فرحات ووقف يتحدث مع يونس وشكره على ما فعله وانقاذه لشرف فرح نظر اليه يونس بدهشة لا يصدق ان اهالي المنطقة يعلمون ان صابر كاذبا حقا كما قالت فرح ذهب امام المسجد هو الاخر ولم يتبقى احد غريب بالمنزل غير مندوب السفارة الذي طلب من يونس ان يتحدث معه جانبا على انفراد.
انا عايز اقول لحضرتك لازم تاخد بالك من نفسك كويس لان البلطجي ده ممكن يتعرض لحضرتك في اي وقت
ثم اضاف باقتراح. 
احنا ممكن نسجنه الفترة اللي حضرتك هتكون موجود فيها هنا ومنها نرتاح من اي أذى ممكن يجي من نحيته
تحدث يونس باللغة المصرية.
هو فعلا لازم يتسجن ويتحاسب على كل شئ بيعمله خارج عن القانون
ثم اضاف بتفكير. 
لكن بلاش نتسرع في سجنه
حرك مندوب السفارة رأسه باحترام قائلا.
اللي حضرتك تشوفه عموما انا هكون تحت امر حضرتك في اي وقت
ثم اضاف وهو يعطيه كارت بنكي وهاتف.
اتفضل التليفون دا ل حضرتك عشان تقدر تتواصل مع السفارة في اي وقت وكمان الفيزا دي تقدر تسحب منها اي مبلغ زي ما تحب
حرك يونس رأسه بالايجاب واخذ منه الهاتف والكارت البنكي تحدث بفضول.
اتمنى يتم القبض على هؤلاء الإرهابيين سريعا
حرك مندوب السفارة رأسه بالايجاب نظر الي ساعة يده قائلا له.
انا مضطر امشي دلوقتي حضرتك هتحتاج مني اي حاجة تانيه
ابتسم له يونس وشكره ثم ذهب مندوب السفارة إلى اسلام وطلب منه ان يذهب معه ويخرجه من هذه المنطقة.
استاذن اسلام من خالته ويونس وذهب مع مندوب السفارة.
وقف عماد بتوتر شعر بالخۏف الشديد من ندالة صابر خائڤا ان يخبر احد باتفاقهم معا ومشاركتهم في ما اراد فعله ب فرح. تحدث عماد بتوتر مع حماته.
وانا كمان همشي يا حماتي وخلي عزة والعيال يباتوا عندكم النهاردة
ثم خرج سريعا من الشقة قبل ان يستمع الى رد حماته عليه.
نظر يونس الى والدة فرح بخجل بعد ان علمت انه خدعها عندما مثل عليهم انه لا يستطيع التحدث او السمع ثم اقترب منها وتحدث بهدوء.
انا بعتذر لحضرتك على خداعي لكم
ابتسمت والدة فرح وتحدثت بهدوء. 
وتعتذر ليه يا حبيبي انت متعرفش انا فرحت اد ايه لما عرفت ان انت بتتكلم وتسمع
ثم اضافة بتاكيد. 
وبيني وبينك يعني انا من الاول كنت حاسه ان انت طبيعي وبتسمع وبتتكلم
ابتسم يونس وتحدث معها من قلبه. 
انا عايز اقول لحضرتك ان انتي اطيب سيده انا شوفتها في حياتي
ضحكت والدة فرح تحدثت بمرح. 
طب انا عايزة اقولك على سر بما انك بقيت جوز بنتي
ابتسم يونس قائلا بترحاب. 
اتفضلي
تحدثت بعفوية. 
انا من اول ما عيني شافتك وانا قلبي اتفتحلك واتمنيت انك تكون من نصيب فرح والحمدلله ربنا حققلي اللي اتمنيته
ابتسم يونس قائلا لها باللغة المصرية وهو ينظر الى غرفة فرح.
انا عارف ان من الصعب ان فرح تثق فيا تاني بعد ما اكتشفت إني كنت بخدعكم
تحدثت حماته بعفوية. 
دي فرح مفيش اطيب من قلبها ابيض زي اللبن الحليب
ثم اضافة بعفوية وطيبه. 
بس كلمة حق الله يكون في عونك دي هتجننك
ضحك يونس من كل قلبه على حديث حماته العفوي تحدث اليها بوعد.
اوعدك اغيرلها تفكيرها
تحدثت والدة فرح بتاكيد. 
بس دي دماغها نشفه ومستحيل تتغير
شرد ينظر امامه بتفكير قائلا.
مفيش حد مستحيل يتغير
ثم عاد ببصره ينظر إلى والدة فرح واضاف بهدوء.
في شيء اخر اريد الاعترف به
ابتسمت والدة فرح قائلة بثقة. 
انا عارفه عنك كل حاجه ومتأكده ان انت اصيل وابن اصول وده المهم عندي
ابتسم يونس قائلا بلطف. 
بس حضرتك لسه متعرفيش عني كل حاجة واول حاجه من حق حضرتك تعرفيها اني انا مش مصري
ابتسمت بسعادة ثم تحدثت بحماس. 
والله انا كان قلبي حاسس ان انت مش مصري يبقى انت كده من البلد بتاع الممثيل الحلوين دول اللي انا بتفرج عليهم
ثم اضافة بحماس شديد. 
شوفت البطل ابو عنين ملونه اللي انقذ البطله لم.........
قاطعها يونس سريعا وهو يضحك قائلا. 
لا انا مش من البلد دي ولا ليا علاقة بالتمثيل ولا الممثيلن دول اساسا
نظرت إليه بتفكير قائلة. 
طب مش بتفكر تمثل
حرك رأسه بالرفض وهو يضحك قائلا.
لا حقيقي مش بفكر خالص ومينفعش اصلا افكر في الموضوع ده
تحدثت والدة فرح بأحباط.
خسارة والله لو كنت بتمثل كنت هتفرج على كل المسلسلات بتاعك
ضحك يونس قائلا بمرح.
وليه تتفرجي عليا