قصه وعبره

وبدأت الحقايق توضح لي اكتر ولما روحت المستشفى عرفت ان ريم دخلت رعاية لانها محتاجة اجهزة اكتر علشان تعبت اكتر والموضوع بقى سيء زيادة عن اللزوم لقيت حمايا وحماتي واقفين مع مراتي ولما شافوني محدش فيهم كلمني مهتمتش بيهم وروحت للدكتور اللي شوفته اول مرة قبل ما يتكلم قولتله 
_ انا عارف اني غلطان يا دكتور بس بالله عليك قولي بنتي هتعيش
استغرب من كلامي وسكت شوية ورجع يقولي 
كل حاجة بإيد ربنا بس غريبة انت ليه فاقد الامل كدا البنت تعبانة اه لكن ان شاء الله هتبقى كويسة سامحني الاول على عصبيتي معاك بس ده كان لازم يحصل في ناس يا استاذ ياسر بتتمنى ضفر عيل ارجوك اتعظ من اللي حصل واطمن وتأكد إن البنت في الرعاية هيتوفرلها كل الامكانيات اللازمة 
كلام الدكتور هداني شوية لكن الموضوع مطولش لما فات اكتر من ١٠ ايام وبنتي لسه في الرعاية وكل ما اروح واسأل مافيش
اي تحسن في حالتها بالعكس كانت بتزداد سوء ولاحظت ان الدمتور عايز يقولي حاجة بس خاېف من ردة فعلي عشان كده فضل السكوت كنت شايف في ملامح الدكاترة والممرضين قلق وخوف لما يشوفوني وكأن عيونهم عايزة تقولي حاجة بس لسانهم مش قادر خصوصا ان ريم في العشر ايام دول مرتين حصلها زي تشنج وكانت بتتنفس بالعافية والممرضين لحقوها
الخۏف في قلبي زاد وقلبي كل ما اشوف ريم راقدة اغلب اليوم كان بيتقطع
وسط التوهان ده نسيت موضوع العربية والسمكري فضلت اتصل بيه لكن موبايله مقفول!!
مش مرة واتنين لا موبايله مقفول علطول قررت اروحله الورشة بعد ما حسيت انه ممكن يكون ڼصب عليا في المبلغ اللي خده مني وزاد شكي وڠضبي لما لقيت ورشته مقفوله سألت عليه قالولي بقاله اسبوع مفتحش ومحدش يعرف عنه حاجة حاولت اعرف عنوانه ولما سألت كذا واحد محدش كان عارف هو ساكن فين لقيت فيهم شاب عرفت منه عنوان بيته بالظبط وهناك روحت المسافة كانت بعيدة بس قولت لازم اروح اخد منه الفلوس حتى لو هتخانق معاه
وانا في الطريق ليه ذكرياتي مع بنتي مكنتش عايزة تفارقني دموعي نزلت مني تلقائي وانا بضحك لما افتكر الفترة اللي اتولدت فيها ولما شوفتها اول ضحكة اول حضڼ اول بوسة اول عروسة لعبة جبتهالها وفرحت بيها جدا واتعلقت بيها ذكريات كتير اوي وفي النهاية فضلت ادعي واستغفر ربنا بنية ان ربنا يقومها بالسلامة على وعد مني اني هتغير وههتم بيها اكتر
من خۏفي وتوتري الزيادة قفلت موبايلي راودني احساس مقبض ان ريم هيجرالها حاجة قلة ايمان بقى او دي وساوس الشيطان ليا مش عارف علشان كدا قفلته علشان ارتاح كنت سرحان وشارد مش دريان باللي حواليا كان في اتنين عواجيز قاعدين جنب بعض الواضح انهم متجوزين سبحان الله فقت على صوت العجوز وهو بيقول لمراته 
_ من امتى يا حجة بنشيل هم حاجة من بعد ما احمد وحنان ولادنا ما راحوا عند اللي خالقهم وانا مش شايل للدنيا هم لان الدنيا هي الهم اللي بنركب نفسنا فيه عارفه يا ام
حنان لو نسلم قلوبنا لله ونفتكر انه شايفنا في كل حاجة بنعملها صدقيني محدش هيغلط أبدا يلا الحمدلله على كل حال
وكأن ربنا بيوجهلي رسالة والعجوز السبب انها توصلي كان واضح انهم اتكلموا كتير وانا علشان سرحان مسمعتش فقت على اخر جملة قالها وبعدها نزلت وروحت لبيت السمكري وانا محتار مش عارف لما اشوفه اغضب ولا