خرافة الليل

خرافة_الليلة 
صحة شريبتكم وتقبل صيامكم وصالح أعمالكم مرحبا بيكم متابعينا على صفحة اسد الجبل 
كانت فما صبية سبحان المولى وماشاء الله عليها اللي يشوفها يشهق فيها لين امها وجداتها خافوا عليها وقالوا والله ماعاد شايفها كانش اللي مكتوبها !!! هالصبية لماته كله !!!! زين ولسان مغزل حرير !!! وفكر وعقل ميزان !!! لكن حالتهم على قدهم !! بوها وخواتها من الفجر يطلعوا لخدمهم !!! ومن خوفهم عليها صغرولها شباك بيتهاو دوروه بالحديد وشرطوا عليها ما تحلوش ولا تجي جيهته !!!! قاعدة في الدار هيا وامها وجداتها !!! ايقطروا في الورد والزهر والياسمين !!! وكانو متفقين مع تاجر عنده جنان ورد وزهر وفل وياسمين ويقطروله وهو ايبيع والواسطة بيناتهم زوز خديمات من دار التاجر !!! ايجيبوا هاكالخديمات وردهم المشكل ومن غدوة يرجعو ياخذوه فاشكات مقطر!!! يقعدو هاك المشوار وحديث يجيب حديث وسألوهم ماعندكمش صبايا !!! قالتلهم لمرا عندي صبية برك فرد كعيبة ... قالولها امالا وينها قداش من مرة جينا وماشفناهاش !!! قالتلهم ديمة مشغولة وشاقية ووقت تفضى تحب التطريز وديمة فيه لاهية !!!وبرى على هاك الحال ولا شافوا الصبية ولا زينها !!!!

اياسيدي نهار وهوما امروحين في الطريق قالوا شنية حكاية هالصبية اللي عندهم لا ريناها ولا شفناها زعما فيها علة والا اية من آيات مولانا !!! لازم انشوفوها وكان في بير ايخبوها ...!! من غدوة كالعادة جاو وجابوا وردهم ودخلو وسلموا وقعدو يتحدثو !!! وهما في وسط الهدرة صاحت وحدة من الخديمات وقامت اللي معاها اتخبط وټعيط !!! اتفجعت المرا وما عرفوش شنو يعملو ومالربثة قامت الام اتنادي على بنتها يا زهرة يا زهرة طلعت زهرة تجري وتسمي بالرحمن !!! وهزت راس المرا الدايخة وابدات اتبخ فيها بمية الورد وتقرا في القرأن فاقت لمرا وحلت عينيها وقالت الله واحد عليك شكون انتي انسية والا جان !!! قالتلها انسية مؤمنة ياخالتي !!! الحمدلله على سلامتك ... قعدوا مشوار وروحوا !!! وطول الطريق وهوما كاشخين في زين زهرة وماتسمع كان كلمة سبحانك ياربي !!! قالت وحدة منهم يعطيك الخير نحسابك دختي بالحق !!! على ما بخاتك لمرا مافقتيش !!! قالتلها عاد انا عملت روحي دخت باش الصبية تطلع ونشوفوها !!! تحبني انفيق على بخة جداها!! ايا سيدي وصلوا لدار التاجر اللي يخدموا فيه ودخلوا يجروا يا للاتنا يا للاتنا !!! قالتلهم خير!!! قالولها شفنا قمر في النهار ايلالي !!!
يا للاتنا رينا قمر في النهار ايلالي !!!!! قالتهم اقعدو وفهموني وانتوما هايضين مافهمتش منكم حتى كلمة !!! شنية قصة هالقمر اللي في النهار ايلالللللي !!! قالولها يا للا مش انتي تحبي لسيدي الصادق عروسة ماجابها حد !!! قالت ايه نحب لوليدي الصادق الغزال الانڨر ولد الحسب والنسب عروسة تحكي بزينها الدنيا كلها !!! قالولها خلااااص اليوم شفناها هالعروسة يا لللا كان تشوفيها تحلفي ما تطلعي الا بيها !!! قالتلهم بنت شكون هاذي ووين ريتوها !!! قالولها بنت لمرا اللي اتقطرلنا في الورد !!! قالتلهم شنووووووة بنت اللي يقطروا في الورد !!!! هيا من حينكم قومواااااا
قلنا هاكالخديمات قالوا ل للاتهم انو البنية الشبابة بنت لمرا اللي يقطروا عندها في الورد قالتلهم قوموا عليا هذا اللي وديتوه لسيدكم الصادق !!!! بنت لمرا اللي اتقطرلنا في وردنا !!! قالولها يا للا راهي قمر نص الشهر ضاوي كله !!! قالتلهم شي !!! قامو هاك الخديمات وهما غضبانين على للاتهم كيفاش ماخذاتش بخاطرهم وسمعت منهم وسايرتهم !!!! امشاو ياسيدي غضبانين قالوا لازم انخلوا سيدنا الصادق ايشوفها !!! لكن كيفاش والبنية حتى لوسط دارهم ماتطلعش !!!! امشات وحدة منهم لحانوت الصادق وقالتله ياسيدي قاصدتك في خدمة ونحبهافي الستر بيني وبينك!!! قالها حاضر كان نقدر عليها !!! قالتله البارح نحكو انا وخديمات الحاج سليمان وقالولي سيدنا ايحبنا وخاطرنا ديمة مجبور عنده حتى كي نمشوا لسوق لازم مرة والا اثنين ياخو بخاطرنا ويراعينا و حزت في خاطري قلت ياريت سيدي الصادق المرة هاذي زادة ياخو بخاطرنا !!! قالها كيفاش نجبر بخاطركم وعلاش في الستر !!! قالتله نحبهافي الستر خاطرللاتنا مش باش ترضى