خرافة الليل

وانا والله نحبك تمشي معايا لبلاصة !!!! قبل كي كنت صغير ياما هزيناك معانا لحانوت بوك و للسوق !!! قص عليها وقال باهي وين تحبني نمشي معاكم !!! قالتله غدوة الصباح هز معانا الورد للمرا اللي اتقطر فيه وفي الطريق نتلاقوا مع خديمات الحاج سليمان ونحبهم يشوفوك معانا باش يعرفوا اللي حتى احنا سيدنا يحبنا وجابر بخاطرنا !!! سكت شوية وقالها باهي خلاص غدوة اكهو راهو.. ومعادش تطمعوا فيها مرة أخرى!!! قالتله ايه ياسيدي هالمريرة برك !!!
هاك الخديمات اجبر بخاطرهم سيدهم الصادق وامشى معاهم الصباح بكري !!! قال في خاطره هو مشوار صغير وهيا طريقي طريقي خلي نجبر بخاطرهم كيما تلهاو بيا ولعبوني وانا صغير !!! ركبوا الكروسة واتسقدوا وهما في الطريق قالتله وحدة منهم شوف الفرتونة ياسيدي اليوم خديمات الحاج سليمان ماجوش !!! قبل نتقابل معاهم هنا قدام الطابية هاذي !!! قالها راهو كي ماقلتلك هالمرة مش كان ماشافنا حد اتقولولي عاودها !! ضحكت وقالتله بالك واحنا امروحين انلاقوهم !!! قالها لا انا نوصلك ونكمل طريقي للحانوت وانتوما روحوا على ساقيكم !!! قالتله الله الله ياسيدي توا انت جبرت بخاطرنا في الاول وتكسره في الاخر !!! عاد كملها معانا واحنا شنية الحكاية كلها!! ندخلوا انمدوا شكاير الورد ونطلعوا !!! وقفت الكروسة قدام دار المرا وهبط الراجل اللي يسوق في الكروسة هبط شكاير الورد وهبطت الخديمة وصاحبتها دقت الباب!!! حلتلهم لمرا الباب !!! دخلو الشكاير ودخلو!!! القاو زهرة اتلم في الدار صبحوا وقالولهم سامحونا اليوم جيناكم بكري على خاطر عندنا مشوار آخر مع سيدنا الصادق وهما قاعدين يحكو وداخت نفس لمرا اللي داخت المرة اللي فاتت !! قامت اختها اتخبط وټعيط وتقول اوخيتي امشت فيها المرة هاذي الطبيب قال كي اتجيها مرضتها جيبوها طول قبل ما يفوت فيها الفوت!!! وهاكا زهرة وامها وجداها يحاربو في المرا باش ايفيقوها شي ماحبتش.. لا خلاوا زيت ورد ولا زهر وجابوا حتى لبصل والمرى رامية القاټلة !!! و اختها ماخلات ماعملت تغبط وټعيط حاشاكم وتقول للمرا وللاها هزوها معايا يا وخياتي !!! جوا يتجاراوايحاولوا يقيموها !!! قالت لزهرة تربحي يا بنيتي تربحي نادي لسيدي ايجي ايقيمها معانا باش نهزوها للطبيب !!! من الفجعة والتمهميش طلعت زهرة تجري تنادي لسيد الخديمات وفي بالها سيدهم راجل كبير !!! حلت باب دارهم القات الكروسة قالت وينو سيد النساوين اللي دخلو توا انزل الصادق من الكروسة وقالها خير آش فما راني نسمع في العياط وبالي مشغول !!! جات عينه في عين زهرة اللي اټصدمت كي لقاته شباب كي لغزال !! وهوا قال في خاطره الله اكبر هاذي انسية والا جان !!!
حشمت زهرة وهبطت غطاء راسها عليها وقالتله وحدة من النساوين اللي جوا داختلناوماحبتش اتفيق ويحبوك تدخل اتقيمها معاهم !!! قالها ما نجمش ندخل لدار في غياب رجالها لكن قوليهم يوصلولها لفم السقيفة !!!
دخلت زهرة تجري وقالتلهم قال جيبوها لفم السقيفة !!! عرفت الخديمة اللي الصادق شاف زهرة حسبت روحها بدأت تفيق !!!
وقالت بصوت اضعيف تاعب !! سامحوني فجعتكم مرة اخرى الله غالب بنادم ما يملك في روحه شي !!! قالولها الحمدلله على سلامتك غير اشربي شريبة ماء باش تنشطي اكتر !!! قامت ووقفت وقالت لاختها هيا سيدي يستنى فينا البرا بطينا عليه !!! قالتلها لمرا امالا سلامتكم تو غدوة الحي تلقوا ماء الورد حاضر كالعادة !!! طلعوا لسيدهم اللي جاهم يجري ويقول على سلامتك خيرك آش صارلك!! قالتله سامحني يا سيدي طلعت من غير فطور دخت جيت طايحة من طولي !!! قالها علاش عليك تطلعي من غير فطور هاذي عملة تعمليها في روحك !! ركبوا وتسقدوا للدار وطول الطريق سيدهم الصادق ايلف ويدور بالكلام منا ومنا وهو حاشم مايحبش يبين اللي هو مهتم بالبنية اللي شافها وسلبتلو عقلو !!! والخديمات الزوز يتبسمو لبعضهم ويرقصوا في حواجبهم من الفرحة بخطتهم اللي نجحت !!! وشامتين في للاتهم !!! اما زهرة دخلت لبيتها هايمة في هالغزال اللي شافته وفي شهامته كي قالها ماندخلش لدار رجالهامش موجودين!!! ومن غدوةصبحوا ماشين ياخدوا ماء