رواية سارة كامله

حازم كبر وعاش حياته وإتعلم وعمل لنفسه مكانه فى المجتمع أول حاجه عملها إنه إنتقم من محمود حازم اشتغل بشكل خفى وخلى محمود يدخل فى مشروع خسران وبشكل غير مباشر وصل لمحمود إن الأرباح هتكون أضعاف الفلوس إللى هو حطها وهنا محمود ضحى بكل فلوسه ومستنى الربح إللى هيجيله أضعاف طبعا هو أكل الطعم وفلس وهنا حازم قرب من انس أكتر وإكتشف إنه مش واخد طبع أبوه نهائى لا بالعكس انس حنين وعنيد وشاب روش ومچنون بيحب الحياه والضحك والهزار على عكس أبوه نهائى ده

حتى مش شبه حازم حازم طيب وهادى دايما لكن انس فرفوش ومچنون بيخلى كل إللى حواليه قاعدين بيضحكوا مابيحبش حد مايضحكش أبدا
مروه بإبتسامه طب هو فين
فتحيه بتنهيده معرفش كل أما أسأل حازم يتوه فى الموضوع بس دايما بيقولى كويس وبيسلم عليكى
مروه ممكن سؤال أخير
فتحيه أكيد طبعا
مروه بإستفسار ليه طنط سلوى محاولتش توصل لقريبها ده
فتحيه بحزن دى قلبت عليه الدنيا يابنتى ولما عرفت توصله لقته سافر ومارجعش من يومها سكتت شويه وقررت تغير الموضوع
بقولك إيه الفطار ميعاده قرب يلا نجهز الأكل
مروه بإبتسامه يلا
قاموا وراحوا يجهزوا الأكل ومروه جواها حاجه جديده ومختلفه نحية حازم إحساس هى محستهوش قبل كده إحساس إنها عايزه تعوضه عن كل حاجه فاتت وتنسى إللى هى كانت عايشه فيه وتكمل حياتها معاه وبس إحساس إنها عايزه تبنى عيله معاه وتبدأ من جديد وكل لحظه بتمر عليها الإحساس ده بيزيد جواها مش حوار شفقه ولا حاجه بس هى شايفه إن ظروفهم قريبه من بعضها وبررت إن دى تدابير من عند ربنا فى أنهم يتقابلوا تانى عشان يعوضوا بعض عن إللى هما عاشوه فضلت تفكر كتير لحد ماقررت إنها تعمل بإللى هى حساه وهو إنها تفضل مع حازم وتعترفله بحبها ليه بس لازم تهيأ
نفسها نفسيا للموضوع ده الأول وده دور فريد دكتورها النفسى إللى كان دايما بيسندها وبيعتبرها أخت مش مجرد مريضه
أستغفرك ربى وأتوب إليك
الفصل الحادى والعشرون
كانوا قاعدين مع بعض فى الورشه وحازم ساكت وواضح على ملامحه الحزن الشديد وخالد قاعد بيبصله ومش عارف يخرجه من إللى هو فيه إزاى قرر إنه يتكلم فى حاجه تانيه
خالدصحيح يا حازم انس أخباره إيه طمنى عليه
حازم بتنهيده وهو بيبصلهالحمدلله كويس بيسلم عليك
خالدالله يسلمك ويسلمه هو كلمك آخر مره إمتى
حازم كان لسه هيتكلملقى موبايله بيرنبص للموبايل إبتسم بتلقائيه لما لقاه انس 
حازم بإبتسامه وهو بيردوحشتنى عامل إيه
خالد كان متابع حازم بعيونه وصوت انس كان مسموع من الموبايل وخالد بيضحك على طريقة كلام انس 
انس أنا كويس وفل الفل إنت عامل إيه يا باشا
حازم أنا الحمدلله المهم إنت أخبارك إيه طمنى عليك وحشتنى أوى
انس وإنت كمان ياحبيبى معلش يا حازم ممكن سؤال
حازم باستغراب إسأل
انس هو أنت مش ناسى حاجه
حازم بإستفسارحاجة إيه دى
انس نعم!!!! إنت نسيت!!!!!
حازم والله يا انس أنا مش فايق لألغازك دى قول فى إيه
انس بضيق النهارده عيد ميلادى يا حازم 
حازم بإستيعابنعم!! ده بجد
انس بقمصهاه بجد يلا سلام
حازم إستنى بس أنا آسف أنا بس كنت مشغول الفتره إللى فاتت وماكنتش متوقع إن عيد ميلادك هيبقى أول يوم رمضان
انس بصوت أنثوى رقيقهى دى مناسبه تتنسى برده ياقاسى ياخاين!! أنا عايزه ورقة طلاقى دلوقتى لو سمحت وما أشوفش وشك تانى
خالد مكنش قادر يمسك نفسه من الضحك
حازم هههههههههههه
انس بصوت أنثوىوكمان بتضحك عليا طلقنى يا حازم طلقنى يا قاسى
حازم هههههههههههههههههههههههههههه خلاص يا انس خلاص
انس بصوت أنثوى و بشهقات مصطنعهلا مش خلاص إنت ترجعلى شبكتى وكل الفلوس إللى صرفتها على البيت فى غيابك إنت واحد ماتتعاشرش إنت قاسى إزاى قدرت تنسى عيد ميلادى إزااااااااااى!!!
حازم وخالد صوت ضحكهم كان عالى جدا
انس اااااااه مانت فالح تقعد مع صاحبك على القهوه وتسيبنى وتمشى إبقى قابلنى لو صاحبك نفعك أنا هطفش وأسيبلك البيت ومش هتعرفلى طريق نهائى
خالد فى وسط ضحكاتهكفايه يا انس كفايه
حازم فى وسط ضحكاتهجرا إيه يا ناديه إنتى هتعملى الشويتين دول عليا لا ياماما مش أنا إللى واحده تسيبلى البيت وتمشى وطلاق مش هطلق شايفه إنتى الحيطه إللى قدامك دى
انس اه شايفاها
حازم إخبطى راسك فيها هههههههههههههههههههه
انس ضحك معاهم هما كمان وبعد فتره بسيطه من الضحك بدأ يتكلم
انس بجد يا حازم إيه إللى شاغلك أوى كده إنت كويس طيب
حازم ظهرت عليه ملامح الحزن من تانى
حازم بتنهيده يا انس أنا كويس عندى بس شوية مشاغل وكلها كام يوم وهسأل عليك زى الأول تانى ماتزعلش منى
انس مش زعلان المهم إنك كويس
حازم ربنا يخليك ليا
انس آمين سلملى ع الواد إللى جنبك ده هو لسه زى ماهو مغلب طنط فتحيه معاه
خالدأنا مش واد يا انس راعى إن فى بينا 7 سبع سنين يعنى أنا أكبر منك والمفروض تحترمنى
انس لحازم متجاهلا كلام خالدتعرف يا حازم أحلى حاجه فى موبايلك ده إن صوته عالى لدرجة إن الواد إللى جنبك ده سامعنى كويس
خالدقولتلك مليون مره أنا مش واد إحترم نفسك بقا
انس خلاص خلاص آسف ياعم الحج ماتزعلش
خالدتقبلته
حازم وهو بيحاول يكتم ضحكتهكل سنه وإنت طيب ياحبيبى
انس لا أنا زعلان
حازم طب أرضيك إزاى طيب إنت عارف إنى مش بحب أزعلك أبدا
انس ساعتك
حازم نعم
انس زى ماسمعت
حازم باستغراب مالها ساعتى
انس عايزها عشان أرضى عنك
حازم باستغراب وتطلب ليه ساعتى أنا ممكن أجيبلك أحسن منها دى مستعمله
انس بالنسبالك إنت مستعمله بالنسبالى أنا دى ثروه
حازم نعم ثروه ليه يعنى
انس يووووووه يابنى هتكون ذكرى حلوه منك ليا إنت عارف إنى بحب أى ذكرى منك مش إنت إللى مسفرنى!! يبقى إستحمل
حازم بضحكه خفيفهحاضر هتكون عندك بكره ماتقلقش
انس ماشى واد ياخالد إنت عامل إيه
خالدأحسن منك
انس شكرا يامحترم بقولك إيه

يا زومه أنا هقفل دلوقتى عشان ورايا حاجه مهمه وهستنى الساعه يلا Take care baby
حازم وهو بيضحكمع السلامه
قفل مع انس وفضل يضحك مع نفسه لحد ماعيونه جات على خالد إللى بيبص لبيت ياسمين بشرود
حازم ليه متاخدش الخطوه وتروح تتقدملها! إنت جبان وماشوفتش أجبن منك بصراحه
خالدخاېف يا حازم 
حازم بإستفسارخاېف من إيه
خالد بتنهيدهخاېف أترفض ولو مترفضتش خاېف معرفش أخليها تعيش فى مستوى كويس خاېف الناس بعد كده يعايروها بيا خاېف يا حازم من إحتمالات كتير
حازم ليه بتفكر بالشكل ده ليه واخد الموضوع بالأفوره دى يابنى إنت الناس بتحبك هنا فى المنطقه الناس بيعزوك إنت وتوحه أنا مش فاهم بجد إنت بتفكر كده إزاى ليه واخد الموضوع بحساسيه
خالدعشان هى
دكتوره وأنا
حازم وهو بيقاطعهإنت واحد فاتح مشروعه بنفسه ماحتجش مساعده من حد مكسبك كويس وتقدر تعيشها كويس متربى كويس ومتعلم ومعاك شهادتك ومش معنى إنك مش بتشتغل بشهادتك تبقى فاشل لا بالعكس ده النجاح فى حد ذاته إنك تسعى وتعمل كل إللى تقدر عليه ده كفيل إنه يعيشك مرتاح طول حياتك وإنت وصلت لده إيه إللى ناقصك
خالد بقلة حيلهناقصنى هى
حازم خلاص إحنا فيها أهوه خد الخطوه وإتشجع وسيب الباقى على ربنا وكل حاجه بتيجى واحده واحده
خالدطب لو هى مش موافقه
حازم روح إعمل إللى عليك و إتمسك بيها وخليك مصمم عليها وأهلها هيوافقوا وهى هتوافق لما تلاقيك مصمم عليها إن شاء الله إنت مافيش حد زيك يابنى ها قولت إيه أقول مبروك
خالد إبتسم وهز راسه بالموافقه
حازم بضحكه خفيفهحبيبى ياصاحبى
خالدبس أقول لتوحه إزاى
حازم إنت بس لو قولتلها يا توحه أنا عايز أتجوز هتاخدك من إيدك وإنت بالبيجامه وتروحوا تتقدمولها
خالد بضحكه مكتومهالست دى أمى
حازم ربنا يخليهالك
خالدآمين صحيح بقولك أ
قطع كلامه رنة موبايله
خالدأيوه يا توحه
فتحيهأيوه!! إسمها نعم
خالديوووه ياتوحه ماتركزيش خير بتتصلى ليه
فتحيهإنت أهبل ياله مش واخد بالك إن المغرب قدامه خمس دقايق ويأذن يلا إقفل الورشه وتعالى إنت وحازم 
خالد بإستيعاباه صح طيب ياتوحه
قفل المكالمه وبص لحازم 
خالديلا نروح البيت عشان نفطر
حازم يلا
خالد قفل الورشه وراح هو وحازم البيت والمغرب أذن أول أما دخلوا البيت لقوا مروه وفتحيه بيحطوا الأكل على الترابيزه الصغيره إللى فى الصاله لما عيونها جات فى عيونه إبتسمتله إبتسامه جميله قعد يبص حواليه بيشوف هى بتضحك لمين ملقاش غيره قدامها وخالد راح يحط باقى الأطباق مع فتحيه إستغرب إنها بتضحكله وفى نفس الوقت قلبه فضل بيدق بشده بسبب ضحكتها فاق من إللى هو فيه على صوت فتحيه الروايه من تأليف ساره بركات
فتحيهيلا يا حازم عشان نفطر
راح قعد على الترابيزه ومروه قعدت جنبه وفتحيه قعدت قدامها وجنبها خالد وبدأوا يفطرواحازم كان مركز مع مروه إللى قاعده بتفطر فى صمت وواضح عليها إنها معجبه بأكل فتحيه وفى نفس بيبص للعبايه بتاعة مامته إللى هى لابساها بعد الفطاركانوا قاعدين مع بعض فى الصاله
حازم تسلم إيديكى ياتوحه الأكل كان تحفه والسلطه كانت أحلى كمان
فتحيهالله يسلمك ياحبيبى وبالنسبه للسلطه غمزتله مروه هى إللى عاملاها مش أنا
حازم فى اللحظه دى بص لمروه إللى قاعده جنبه ومحرجهمسك إيدها وباسها
حازم بإبتسامه وهو بيبص فى عيونهاتسلم إيديكى ياحبيبتى
كانت مرتبكه من لمسته ليها وحاسه بخجل شديد ده غير كلمة حبيبتى إللى خلتها مش على بعضها بس فاقت لما لقت فتحيه مركزه معاهم
مروه بإبتسامه خفيفهالله يسلمك يا حبيبى
قلبه دق بشده لما قالتله حبيبى بس إتمنى إنها تبقى بجد مش تمثيل زى دلوقتى فضلوا يبصوا فى عيون بعض متناسيين وجودها فتحيه كانت قاعده بتتفرج عليهم وفرحانه بمعاملتهم مع بعضقطع تفكيرهم صوته
خالد بصوت مسموع وهو بيخرج من المطبخوسع الشاى
فتحيه بهمسهادم اللذات
خالدبتقولى حاجه ياتوحه
فتحيهلا مافيش
خالد وهو بيقعديلا يا حازم إشرب الشاى بسرعه عشان ننزل نصلى فى الجامع ونستنى لحد العشاء عشان صلاة التراويح
حازم حاضر
فتحيهخدونا معاكم أنا ومروه عندك مانع ياحبيبتى
مروه بإبتسامه مع تلقائيهلا أبدا أنا كنت دايما بروح مع بابا وماما الجامع عشان نصلى التراويح
ملامحها إتحولت للحزن الشديد لما إفتكرت الوقت الحلو ده كلهم لاحظوا ملامحها الحزينه
فتحيهإنتى كويسه يابنتى
مردتش عليها خالد غمز لحازم وحازم فهمه
حازم وهو بيمسك إيدهامروه إنتى كويسه
رفعت عيونها إللى جات فى عيونه
مروه بإبتسامه خفيفهمعلش سرحت شويه
حازم بإبتسامهطيب يلا إشربى الشاى عشان ننزل كلنا
هزت راسها بالموافقه وبدأوا يشربوا الشاى بمرور الوقت 
بعد صلاة التراويح
كانوا خارجين من مصلى السيدات هى وفتحيه
مروه بإبتسامهأنا مش عارفه أشكر حضرتك إزاى على الإسدال
فتحيهإنتى بنتى ماتشكرنيش وبعدين
قطع كلامها صوتها
ياسمين بإبتسامة فرحهإزيك يا طنط فتحيه كل سنه وإنتى طيبه
فتحيه وهى بتسلم عليهاوإنتى طيبه ياروح طنط فتحيه عامله إيه طمنينى عليكى وأخبار مامتك وباباكى وأحمد إيه
ياسمين كويسين الحمدلله ماما لسه خارجه من شويه عشان تلحق تروح لأحمد البيت لإنه كان نايم قبل ماننزل
فتحيهربنا يباركلكم فيه أصل أنا ماشوفتكيش